Baze Teoriku Sistema Informasaun Publikasaun Prevensaun Virus HIV-SIDA

 

 Sistema Informasaun Publikasaun Prevensaun Virus HIV-SIDA

 Definisaun Sistema

 Opiniaun husi  matenek na’in sira konaba sistema mak hanesan tuir mai ne’e:

Sistema husi Matenek na’in Bertalanffy, sistema katak komponente  ida ne’ebe mak interaksaun husi unidade sira hotu ne’ebé mak serbisu hamutuk hodi alkansa ba objetivu. 

Tuir fali  Matenek Na’in O̕ Brien(2017,p.4), Sistema katak koleksaun husi komponente sira nebe’e mak iha ligasaun hodi serbisu hamutuk atu alkansa ba objetivu hamutuk hodi simu input atu nune̕ e iha solusaun output husi transformasaun ne’ebé diak .

Nune’e mos Matenek Na’in Sutarman, M.Si sistema hanesan ekipa elementu ne’ebé mak integradu ho sira nia objetivu ne’ebé mak hanesan hodi alkansa ba  prosesu primeiru mak objectivu.

Definisaun Informasaun

Opiniaun husi matenek na’in sira konaba Informasaun mak hanesan tuir mai ne'e; 

Informsaun husi Matenek na’in Jordon B. Davis, Informasaun katak koñesementu ne’ebe funsiona hodi foti desizaun ruma.

Tuir mai Matenek na’in“Tata Sutabri, S.Kom.MM, Informasaun hanesan dadus ne’ebé halo klasifikasikasaun ka jere atu halo intepretasaun hodi utiliza iha prosesu atu foti desizaun. Nune’e mos Matenek na’in Anton M. Meliono, Informasaun katak elementu Ida hodi halao jestaun ba kompania ruma.

Definisaun Publikasaun

Opiniaun husi matenek nain sira konaba Publikasaun mak hanesan  kria kontestu Ida ne’ebé bele fo vantajen ba publika. Parte seluk publikasaun katak fo sai informasaun ba publiku liu husi media internet, televizaun, radio no seluk-seluk tan. Nune’e mos Tuir Publikasaun katak publika informasaun liu husi testu, imajen no konteudu audio vizual iha media sira seluk inklui Surat tahan (Hanesan Diariu, katalogu no seluk-seluk tan).

 

Definisaun Prevensaun Virus HIV-SIDA

Prevensaun Virus HIV-SIDA mak hanesan informasaun ida ne’ebé mak atu bele prevene komunidade husi Virus HIV-SIDA. Virus HIV-SIDA hanesan virus ida ne’ebé mak risku ba komunidade nia vida.