PUBLIKASAUN LEI RADIO DIFUSAUN TIMOR-LESTE IHA SEKRETARIU ESTADU KOMUNIKASAUN SOSIAL (SEKOMS) BAZEADU WEBSITE

 

KAPITULU I

INTRODUSAUN

Mahamosuk

Iha mundu modernu, teknolojia informasaun sai hanesan meius ida ne’ebé fahe informasaun ka transforma dadus ba iha media eletronika atu nune’e ema barak bele asesu ho lalais no bele asegura kualidade servisu ho informasaun dalan oin-oin. Teknolojia informasaun no komunikasaun ne’ebé mak diak hodi hala’o servisu iha instituisaun governu no mos instituisaun privadu. Teknolojia informasaun no komunikasaun ne’ebé diak bele haforsa sistema servisu lao ho efisiensia no efektivu.

Sekretariu Estadu Komunikasan Sosial (SEKOMS) hanesan lei komunikasaun sosial ida sai fator determinante ba futuru nasaun ninian, tamba media mos sai pilar importante ba prosesu dezenvolvimentu demokratiku iha sekretariu estadu komunikasaun sosial. Sekretariu estadu Timor Leste estabelesimetu atu fasilita programa servisu iha sekretariu estadu nian ne’ebé maka prova tuir lei komunikasaun social iha sekretariu estadu. Publikasaun lei radiu difusaun Timor-Leste publika servisu ne’ebé mak halao iha sekretariu estadu komunikasaun sosial mak hanesan kada divizaun tenke hala’o sira nia knar tuir ida-idak nia servisu.

Publikasaun lei radiudifusaun Timor Leste servisu ne’ebé mak hala’o iha sekretariu estadu komunikasaun social sei uza sistema manual mak hanesan publika programa servisu liu husi jornal da republika nune’e mos parte seluk utiliza panfletu hodi fahe informasaun ba komunida dekona lei radiudifuzaun ba programa servisu iha sekretariu estadu komunikasaun sosial. Sekretariu estadu komunikasaun social refere publika programa servisu tuir varias tipu programa servisu ne’ebé mak iha sekretariu estadu nia maibe seidauk iha media ida ne’ebé diak hodi habelar informasaun kona ba programa servisu ba komunidade sira.

    Website mak hanesan koleksaun entre pajina hirak ne’ebé mak fó sai informasaun testu, dadus, imajen animasaun, dadus animasaun, audio no mos video. Tuir termu ne’ebé mak deskreve iha leten signifika website nu’udar programa aplikasaun ida ne’ebé mak bele fo sai informasaun ligadu ba proposta nian. Hakerek nain hare katak prosesu publikasaun lei radiudifusaun Timor Leste iha sekretariu estadu komunikasaun sosial ladun efisiensia no efetivu tan ne’e mak hakerek nain iha inisiativa ida hodi utiliza programa website bapulikasaun lei radiudifusaun Timor- Leste ne’ebé konsidera adekuadu atu resolve problema iha leten. Ho ida ne’e, hakerek na’in iha inisiativa hodi hili tópiku monografia “Publikasaun Lei RadiuDifusaun Timor-Leste Iha Sekretariu Estadu Komunikasaun Sosial (SEKOMS) Utiliza Website. 

 

Formulasaun Problema

Bazeia ba mahamosuk iha leten, harerek nain halo formulasaun problema ne’ebé mak infrenta iha sekretariu estadu komunikasaun social mak hanesan tuir mai ne’e:

1. Oinsa atu kria sistema ne’ebé diak hodi publika Lei radiu iha SEKOMS?

2. Oinsa fasilita komunidade sira iha area rurais bele asesu informasaun kona ba publikasaun lei radiudifusaun Timor-Leste?

3. Oinsa mak atu produz relatoriu publikasaun lei radio lais no efetivu?

    

Limitasaun Problema

Bazeia ba formulasaun problema iha leten maka hakerek nain hakarak limita problema iha SEKOMS Utiliza Website hodi bele fasilita komunidade sira iha area rurais bele asesu informasaun kona ba publikasaun lei radiudifusaun Timor-Leste. 

 

Objetivu Peskiza

Objetivu husi peskiza mak hanesan tuir mai ne’e:

1. Sistema website hodi halo publikasaun lei radio difusaun Timor Leste;

2. Fasilita komunidade sira iha area rurais bele asesu informasaun kona ba lei radiudifusaun Timor-Leste.

3. Fasil produz relatoriu kona ba publikasaun lei radio.

    

Benefisiu ba Peskiza

Benefisiu ba peskiza maka hanesan tiu rmai ne’e:

1. Ajuda parte publikador atu bele publika lei radiudifusaun Timor-Leste nian;

2. Promove hakerek na’in nia kapasidade no dezenvolve siensia pratika, atu nune’e hakerek na’in nia prejensa iha fatin peskiza, bele azuda publikador sira ne’ebé mak infrenta problema relasiona ho etika no regras ba prosesu servisu publikasaun Lei RadiuDifusaun nian;

3. Sai hanesan criteria ida hodi hetan Grau Lisensiatura husi Institute Of Business (IOB) departamentu Gestaun informátika.

 

Sistematika Hakerek

Iha sistematika hakerek ida ne’e, hakerek nain akumula husi Kapitulu I to’o Kapitulu V, Sistematika hakerek fahe ba parte lima maka hanesan tuir mai ne’e:

KAPITULU I INTRODUSAUN

Iha kapitulu ida ne’e deskreve kona ba Mahamosuk, Formulasaun Problema,

Limitasaun Problema, Objetivu Peskiza, Benefisiu Peskiza no Sistematika Hakerek.

KAPITULU II

        TARANA TEORIKAS

Iha Kapitulu ida ne’e deskreve kona ba teoria hirak ne’ebé mak sai hanesan baze fundamental hodi hakerek monografia ida ne’e.

KAPITULU III ANALIZA NO DEZEÑU SISTEMA

Iha Kapitulu ida ne’e deskreve kona ba analiza no dezeñu ba sistema.

KAPITULU IV IMPLEMENTASAUN NO REZULTADU

Iha Kapitulu ida ne’e deskreve kona ba implementasaun no rezultadu.

KAPITULU V

Iha Kapitulu ida ne’e halo deskrisaun kona ba konkluzaun, Sujestaun no kritika ba monografia nian.